Lecer no Nadal: contacontos ilustrado ‘Xelo o carteiro xurelo’ no Centro Cultural de Tomeza

32

Lugar: Centro Cultural de Tomeza.
Hora: 17 horas.

Lecer no Nadal: contacontos ilustrado ‘Xelo o carteiro xurelo’ no Centro Cultural de Tomeza.

A nova colección Polo Correo do Vento, preparada por Mau e Pin, dirixida a escolares de seis anos en diante, está concibida para inicialos no coñecemento da natureza galega e doutros temas relacionados coa cultura de noso, ademais de facer moito fincapé na onomástica galega. Xelo, o carteiro xurelo, está protagonizado por algunhas das nosas especies máis emblemáticas da nosa fauna mariña (o polbo, o linguado, o rodaballo, o peixe sapo, a sardiña…), presentando diversos obxectos de uso cotián e algúns dos espazos naturais protexidos da nosa beiramar (as dunas de Corrubedo, a praia das Catedrais, a Lanzada, a praia de Carnota…). Cada un dos volumes complétase cun epílogo, “¿Qué aprendiches?, con actividades lúdicas que pretenden facilitar o labor dos pais ou dos mestres á hora de traballar a comprensión do texto, ademais dunha páxina dedicada a colorear os animais protagonistas de cada un dos volumes.

 

COMPARTIR