A Concellaría de medio ambiente volve a convocar a segunda edición de Natureza sobre rodas que comezará este domingo, 5 de maio, e que inclúe tres saídas por distintos espazos naturais do municipio. Son saídas en bicicleta pensadas para toda a familia cunha dificultade asumida para persoas de todas as idades.
A primeira saída será este domingo, 5 de maio, 14 quilómetros polos Camiños de Salcedo.
O domingo, 12 de maio, serán 12 quilómetros pola Xunqueira da Gándara. E o domingo, 19 de maio, será até a enseada de San Simón, uns 18 quilómetros.
A Concellaría que dirixe Miguel Filgueira require anotarse previamente na Oficina de Medio Ambiente Natural a través do teléfono 986 100 185.