A asociación Sondexeve celebra esta fin de semana a súa primeira Festa da Natureza co propósito de dar a coñecer o potencial natural dos tres xeves: Santa María, Santo André e Verducido. Para iso organiza este venres, 20 de marzo, a primeira Festa da Natureza que terá o seguinte programa:
- I Exposición de camelias dos tres Xeves
- 10.00 horas. Saída da Casa da Cultura de Santa María de Xeve. Andaina ao Marco da Estada e subida ao Miradoiro do Monte Crabadoiro.
- 16.30 horas. Xogos populares para nenos e adultos.
- 18.00 horas. Presentación da Asociación Cultural Sondexeve na que se fará unha historia do Club de Fútbol de Xeve, así como diversos actos culturais e rematará cun pincho.