Máis de 4.100 mozos e mozas participaron nas Noites Abertas- 2017

    7
    • O Concello asume o 100% do custe -101.642 euros- ao retirar a subvención o Plan de
      loita contra as drogas do Estado
    • O 54,4% dos participantes, homes e o 45,6%, mulleres e 3 de cada dez tiñan menos de
      16 anos

    Rematada a dezaoito edición de Noites Abertas, é tempo de avaliación e reflexión. 92
    propostas ofertadas, 26 días de actividades e 237 sesións, 115 monitores, 4.150
    participantes son cifras que falan do éxito do programa de ocio xuvenil que promove a
    Concellería de Xuventude e que este ano celebrou a súa dezaoito edición.

    “O programa alcanzou a maioría de idade e ademais alcanzou a independencia
    económica” sinala o concelleiro de Xuventude, Alberto Oubiña pois “até de agora viñamos
    percibindo unha subvención do Plan de loita contra as drogas do Estado, arredor do 70%
    do importe e este ano recibimos 0 euros”.

    “O Concello aposta decididamente pola mocidade a aposta decididamente por Noites
    Abertas, un proxecto que é referencia neste tipo de actividades” engade Alberto Oubiña,
    polo que asume o 100% do orzamento que este ano foi de 101.642 euros o que supuxo
    un gasto medio de 24,50 euros por participante.

    O monitorado e os responsábeis municipais de Noites Abertas tomaron nota da
    consideración “moi positiva” dos participantes nas actividades, respecto á oferta, os
    espazos, materias e horarios e por riba de todo o traballo dos monitores e monitoras.
    Neste apartado valorouse dun xeito especial o traballo de formación en igualdade e
    control da linguaxe e actitudes sexistas desenvolvido pola Comisión de Igualdade, creada
    o pasado ano.

    Noites Abertas é un programa na que a participación é un piar fundamental a hora de
    facer propostas -fixéronse 178 das que foron aceptadas 89- deseñar o programa e
    sumarse as actividades. É un programa flexible e en continua evolución, subliñou o
    director do programa, Ignacio Márquez que citou como os próximos retos: reformular a
    festa final de Noites Abertas (que este ano non houbo) e avanzar nunha proposta de ocio
    e educacional.
    NOITES ABERTAS 2017

    • 13 fins de semana
    • 26 días de actividdes
    • 237 sesións
    • 16 espazos utilizados
    • 92 actividades diferentes
    • 115 monitores
    • 4.105 participantes (fronte a 4.657 en 2016)
      Orzamento. 101.642 euros
      Gasto medio por participante 24,50

    PERFIL DO PARTICIPANTE
    Sexo.

    • 54,4% mozos
    • 45,6% mozAs

    Idade.

    • De 12 a 16 anos. 34%
    • De 17 a 25 anos. 53%
    • 26 e + anos. 13%

    Razóns para participar.

    • Entretenemento 53%
    • Aprender 32%
    • Coñecer xente. 14%
    • Outros. 1%

    Comisión de Igualdade
    O concelleiro de Xuventude, Alberto Oubiña e o director de Noites Abertas, Ignacio
    Márquez, subliñaron o papel desenvolvido pola Comisión de Igualdade que con seis
    cursos de formación dirixidos aos monitorxs, esenciais para a erradicación dos
    comportamentos e linguaxe sexistas. Neste cursos participaron 81 persoas: 42 mulleres
    39 homes.

    No desenvolvemento das actividades, avaliaron items como: linguaxe inclusiva, actitude
    monitorado, actitude participantes, modelos/materiais, distribución espazo, etc.

    COMPARTIR