-
- A concelleira de Benestar, Anxos Riveiro visita esta tarde o curso de Lérez, e nos vindeiros días o resto de cursos que se irán clausurando nos barrios e nas parroquias
A Concellaría de Benestar Social remata esta semana os cursos de memoria que se viñeron impartindo dende o mes de setembro nas parroquias e nos barrios de Pontevedra. Son cursos dirixidos a maiores de 65 anos ou xubilados das parroquias de Bora, Ponte Sampaio, Estribela e Lourizán, Lérez, Marcón, Salcedo, Tomeza e nos barrios urbanos de San Roque, A Parda e no Centro Sur.
A concelleira de Benestar, Anxos Riveiro, visitará esta tarde o curso de memoria de Lérez (de 19:00 a 20:30 horas), xa que remata xunto ao de Estribela (17:00 a 18:30 horas) e o que se imparte no Centro Sur (rematado pola mañá). Mañá tamén rematarán Ponte Sampaio (16:30 a 18:00) e Tomeza (19:00 a 20:30). O vernes rematarán Salcedo (18:00 a 19:30), A Parda (17:00 a 18:00 horas) e San Roque (11.00 a 12.30 horas). Xa remataron onte Bora, Marcón e un segundo grupo do barrio da Parda.
Con esta programación, pretendeuse rachar coa idea tradicional dos talleres de memoria apostando por unha actividade que englobe diferentes aspectos do comportamento humano imprescindibles para o seu desenvolvemento e intimamente relacionados coa memoria. Apostando, deste xeito, pola abordaxe integral dos maiores.
Incidiuse en todos os aspectos do desenvolvemento humano (bio-psicosocial), xa que esta é a mellor maneira de garantir niveis óptimos na calidade de vida. Procurouse unha información-formación dos maiores e subliñando a necesidade da adquisición de hábitos saudables en tódolos niveis da vida.
Traballáronse os seguintes módulos:
-
- Módulo de habilidades de comunicación
- Módulo de expresión corporal
- Módulo de adestramento da memoria
- Módulo de musicoterapia