O Plan de tráfico deseñado para o desenvolvemento da proba de tríatlon que terá lugar a fin de semana do 25 e o 26 de agosto leva consigo unha campaña informativa cara ás veciñas e veciños que poden ver a súa mobilidade habitual afectada, especialmente no que toca aos medios a motor e as bicis. A mobilidade peonil garántese a través de puntos de cruce en todos os circuítos.
A diferencia con outros operativos de tríatlon é que neste caso existe unha proba de longa distancia, que require un maior despregue territorial. As estradas de Santiago (N550) e a que une esta última co Pontillón e Bordel (PO224), ate o cruce que conduce a Amil, en Sta. María de Xeve.
As vivendas que dan a estas duas estradas recibirán un folleto informativo, que se complementará con cartelería disposta en lugares públicos das parroquias de Cerponzóns, Alba, Lérez e Verducido. Tamén no entorno urbano (tanto no centro como en Monte Porreiro) distribuiráse un cartel en portais e espazos públicos.
Os elementos informativos que se elaboraron están compostos por mapas orientativos, horarios de restricións e impedimentos á circulación e o teléfono informativo que atenderá a Policía Local (986 833 080). Nalgún caso inclúen tamén os horarios das probas e os lugares polas de decorrerán.
Documentos adxuntos:
- Esquema Tríatlon de Longa Distancia
- Esquema Dúatlon e Tríatlon Cross
- Horarios de restricións ou impedimentos á mobilidade
- Plano explicativo do medio urbano
- Plano expicativo de alternativas á Av. Compostela
- Plano explicativo de Monte Porreiro e Mourente
- Plano explicativo das zonas de Cerponzóns, Verducido e Sta. María de Xeve
- Plano explicativo da zona de Cerponzóns (da N550 cara abaixo) e Alba
- Cartel A3 coa totalidade do dispositivo
- Folleto A4 (2 caras) coa totalidade do dispositivo
- Cartel A4 para o medio urbano
- Horarios e percorridos da Longa Distancia
- Horarios e percorridos do Tríatlon Cross