- O alcalde visita Matos da Trepa, entre A Carballeira e Regueiriño, para ver o resultado da última fase de reforma desta vía, que tivo un custe total superior ao millón de euros.
O alcalde de Pontevedra, Miguel Anxo Fernández Lores e o concelleiro de Obras, Demetrio Gómez visitan o remate dos traballos de mellora de Matos da Trepa, na parroquia de Lourizán. Trátase do tramo que une á Carballeira co Regueiriño. Con esta intervención queda totalmente rehabilitada a conexión principal da parroquia de Lourizán, que o Concello decidiu facer por fases nos últimos anos, cun investimento global que supera o 1,2 millóns de euros.
Esta última intervención foi nun tramo duns 950 metros lineais onde acometeuse a rehabilitación integral do firme, a canalización das augas pluviais, calmado de tráfico e rehabilitación dunha vía lateral.
O orzamento desta parte final foi de 211.832 euros, e foi consensuada cos veciños e veciñas que fixeron achegas ao proxecto municipal.