- Dende xaneiro e até o 3 de maio tanto os centros de ensino como as familias desenvolverán investigacións en distintos eidos, baixo a dirección dun comité científico, integrado por docentes da Universidade de Vigo.
- O resultado deses meses de investigación exporase na Escola de Forestais durante a celebración da MiniFeira da Ciencia, Pontenciencia, os días 31 de maio e 1 de xuño.
- Até o de agora xa comezaron as charlas informativas sobre o método científico nos centros de ensino. Os rapaces están a escoller as investigacións que máis lles guste
- Esta fin de semana arrancan as charlas informativas para as familias que queiran participar. Será o sábado 2 de xaneiro no Espazo Arroelo.
A sexta edición de Pontenciencia ponse en marcha este ano co inicio dos cursos de formación sobre o método científico nos centros de ensino da cidade que queren participar neste exitoso proxecto educativo impulsado pola Concellaría de Educación e a Universidade de Vigo. O proceso rematará cara final de ano coa Minifeira da Ciencia que se desenvolvera na Escola de Forestais os días 31 de maio e 1 de xuño.
Nesta ocasión participan dez centros do concello e 340 alumnos/as e docentes, que durante todo o curso porán en marcha distintos experimentos científicos seguindo o seu método e finalmente, exporano ante un comité integrado por docentes universitarios e científicos.
As charlas nos centros de ensino de Primaria comezaron a pasada semana nos colexios de San Martiño de Salcedo, San Benito de Lérez e o CEE Pontevedra. Hoxe houbo unha no CEIP de Ponte Sampaio e quedan nesta semana:
O xoves, 31 de xaneiro, será no CEIP Froebel, en dúas sesións de 10.45 horas e ás 12.10 horas.
O venres, 1 de febreiro será o CPR Sagrado Corazón de Pontevedra, en horarios de 10.00, 10.50 e 12.10 horas.
As seguintes charlas serán:
- 5 de febreiro no CPR San José ás 12:00h
- 13 de febreiro no CEIP Cabanas ás 12:30h
- 27 de febreiro. CPR Sagrado Corazón de Praceres ás 11.15 horas e ás 12.05 horas.
Como é sabido en Pontenciencia tamén poden participar as familias propoñendo os seus experimentos e estudos. As charlas informativas serán no espazo Arroelo, situado na rúa Michelena, 11:
- Sábado, 2 de febreiro de 10.30 a 12.00 horas
- Venres, 8 de febreiro de 19.00 a 20.30 horas
- Mércores, 20 de febreiro de 18.00 a 19.30 horas.
O calendario de Pontenciencia desenvolverase así:
- Xaneiro – febreiro: inscrición, formación en métodos de investigación (opcional) tanto nos centros de ensino como ás familias; selección da investigación a proposta dos comités científicos ou ben por temática libre.
- Xaneiro – 3 de maio: realización da investigación
- 23 abril – 3 de maio: inscrición definitiva
- 2 ao 20 de maio: entrega dos resumos dos experimentos ao comité científico
- 13 – 24 de maio: preparación do experimento
- 30 de maio: instalación da investigación/experimento na Escola de Forestais
- 31 de maio e 1 de xuño: Presentación oral do experimento ante o xurado; entrega de premios e diplomas de participación.
Pontenciencia
Pontenciencia é unha feira de proxectos de investigación escolar aberta a todo o público que se celebrará no campus da Xunqueira os vindeiros 31 de maio e 1 de xuño. Pero antes desa data, Ponteciencia permite aos escolares, aos mestres e ás familias coñecer o desenvolvemento do método científico a través de experimentos que eles desenvolven durante o curso escolar, dirixidos por profesionais universitarios e expertos científicos, e que finalmente, expoñen durante a Minifeira da ciencia.
Polo tanto, Pontenciencia está composta por:
- Espazo expositivo: cos proxectos dos participantes e da comunidade universitaria.
- Espazo de proxección audiovisual: cun programa de audiovisuais relacionados co mundo da investigación e da ciencia.
- Espazo interactivo con actividades dirixidas a potenciar e dinamizar a feira, incluíndo opcións axeitadas a cada idade.
Pódese participar en distintas modalidades: Ciencia no Cole ou Ciencia en Familia. E todos eles exporán os resultados dos proxectos de investigación que seleccionen a partir das propostas realizadas por un comité científico universitario ou ben dunha temática libre, e que levaron a cabo co apoio dos seus mestres e familiares.
Finalmente, na gala de peche, farase entrega de diplomas pola presentación dos proxectos a todos os participantes e colaboradores
Participantes e colaboradores de Pontenciencia
- Centros educativos do concello de Pontevedra
- Universidade de Vigo
- FANPA Federación Provincial de ANPA de Centros Públicos de Pontevedra
- CIFP Carlos Oroza
- Misión Biolóxica de Galicia- CSIC
- Unidade Biolóxica de Galicia- CSIC
- Unidade de Cultura científica do CSIC en Galicia
- Parque Nacional marítimo- terrestre das Illas Atlánticas de Galicia.
- INCIPIT- CSIC
- Viaqua