Limpeza xeral en Celso Emilio Ferreiro

    1

    A Concellaría de Servizos continúa coas limpezas xerais. Nesta ocasión será na rúa Celso Emilio Ferreiro, en ambas marxes, dende a rotonda coa avenida de Compostela até a rotonda do IES Xunqueira II.

    Como vén sendo habitual, a limpeza farase na madrugada do xoves. A zona de estacionamento estará valada dende a tarde do mércores prohibindo o aparcamento nas horas anteriores aos traballos. Os vehículos que permanezan estacionados serán retirados polo guindastre municipal.

    A limpeza farase con máquinas de varrer e limpadoras de auga a presión tanto na beirarrúa como na beiravía e na calzada, polo que a Concellaría solicita a colaboración de todos os veciños e tamén dos condutores para garantir un bo resultado. Ao mesmo tempo, pide desculpas polos inconvenientes que poidan ocasionar estes labores habituais do Concello.

    COMPARTIR