- Farase con 12 deportistas de elite por disciplina e xénero nos vindeiros mundiais que se disputarán en Pontevedra do 27 de abril a o 5 maio.
Os campionatos do mundo de tríatlon de Pontevedra, que se disputarán entre os vindeiros 27 de abril e 4 de maio, ofrecerán aos deportistas a posibilidade de coñecer o seu rendemento neuromuscular antes e despois das súas competicións.
Trátase dun estudo impulsado pola facultade de Ciencias do Deporte do Campus de Pontevedra que consiste en realizar un test dous días antes da competición, e comparalo con outro test que se realizará na liña de meta. Os datos, ademais de servir para o estudo comparativo que a universidade realiza a través do Sports Performance Lab, serán remitidos a cada triatleta para o seu coñecemento.
Neste estudo poderán participar até 12 deportistas de elite por disciplina e xénero. Servirá para coñecer algúns factores que determinan o rendemento das distintas modalidades de tríatlon. Estes datos poderán ser empregados despois polos propios triatletas para planificar os seus adestramentos.