Chamada de atención a Fenosa no encontro co alcalde Lores

46
  • Lores lémbralle que aínda que os faios no subministro eléctrico poidan estar dentro dos marxes legais, “haberá que resarcir aos usuarios”.
  • A empresa informou ao alcalde que teñen detectado problemas na rede en distintos puntos da cidade ben por mala calidade dos materiais ben porque teñen esgotada a súa vida útil.

O alcalde de Pontevedra, Miguel Anxo Fernández Lores, mantivo esta mañá un encontro con responsables da empresa Unión Fenosa Distribución para obter información de primeira man sobre o que está a correr no concello, especialmente, no centro urbano, cos reiterados cortes de subministro eléctrico.

Explicoulles que a pesar de que a empresa se atope dentro dos ratios legais de faios anuais e de que teñan problemas con certos materiais ou obsoletos algúns tramos eléctricos na cidade, os usuarios terán que se resarcidos por todo o que está a ocorrer. Anunciou que o Concello iniciará unha campaña informativa cidadá para que os veciños e veciñas saiban o que teñen que facer para reclamar ante a compañía.

As explicacións de Fenosa remítense a obsolescencia dalgúns dos materiais eléctricos da cidade (transformadores, subestacións, cables, celdillas…) ben por que teñen esgotada a súa vida útil (arredor de 40 anos) ou ben porque están feitos con certos materiais que se estragan antes do previsto.

No encontro explicaron ao alcalde que existe un mantemento anual destas redes eléctricas, e ante os reiterados cortes a empresa está estudando onde se produciron, o tipo de material eléctrico co que estaban feitos e a data na que se puxeron. De feito, xa teñen localizados distintos puntos da cidade onde acometeran renovacións proximamente. Ademais de cambiar as celdillas en Estribela e en Barcelos, o vindeiro luns comezarán a cambiar o tramo da praza de Valentín García Escudero e tamén da rúa Lepanto. Outras substitucións en carteira son en San Antoniño, Alcalde Hevia e no ámbito do Peirao.

A compañía tamén está a implementar un sistema de control remoto das incidencias e de redistribución da enerxía de tal xeito que ao quedar inutilizado un tramo, se poida ofrecer o servizo por outro.

Chamada de atención

O alcalde indicoulles que o Concello de Pontevedra vai a estar “atento” a todos os problemas que existan, e manter os contactos coa empresa para que avisen cando se produza algún outro problema.

Foi “unha chamada de atención” xa que Lores considera que os veciños non teñen porque verse prexudicados. De feito, o Concello iniciará unha campaña informativa para que os veciños e veciñas saiban, cando se produza un corte de subministro, que mecanismos teñen que usar para reclamar ante a empresa distribuidora.

O alcalde lembrou que Unión Fenosa Distribución é un monopolio “que ten as costas ben cubertas” e confirmou que os ratios por faio en subministro que autoriza a lei nestes casos son moi superiores aos rexistrados na cidade. “E aínda que entendemos que a empresa cumpre eses ratios, iso non supón que os usuarios teñen que soportalo e terán que resarcilos”, concluíu.

Saúdos  ;-))