- Xa está rematado o saneamento e trabállase na incorporación dos sobreanchos da vía que será asfaltada na vindeira semana se o tempo acompaña.
A Concellaría do Rural que xestiona Alberto Oubiña, executa nestes días a última fase das obras da Peralba, na parroquia de Marcón, coa pavimentación da rúa. O proxecto de mellora do lugar realizouse en dúas fases: o saneamento e a pavimentación.
O saneamento tivo un custe de 130.936,27 euros e foi realizado pola empresa Viaqua con cargo ao novo contrato municipal.
Unha vez rematada a instalación do saneamento, nestes días a empresa encargada de executar a pavimentación, E.C.Casas acomete o acondicionamento da vía coa incorporación dos sobreanchos para a posterior pavimentación, que se realizará na vindeira semana se o tempo o permite. A mellora da estrada ten un custe de 163.993,45 euros xa que está previsto o asfaltado de 900 metros, a instalación de 500 metros da canalizacións de pluviais, a instalación de varandas en espazos elevados, colocación de lombos e sinalización viaria.
O investimento total da obra ascende a 294.930,15 euros e dará servizo a 26 vivendas.