Inicio Concello Corporación Grupo Municipal do PSdeG-PSOE

Grupo Municipal do PSdeG-PSOE

Datos de contacto

Dirección: Casa do Concello. Rúa Michelena, 30, 3º andar – Pontevedra
Teléfono: 986 804 300 / Ext. 7144
Contactopsoe@pontevedra.eu
Redes sociais

pontevedra.psdeg-psoe.org

@PsoePonte

www.facebook.com/psoepontevedra

@psoepontevedra

Concelleiros

Agustín Fernández González

Naceu en Pontevedra en 1961. Licenciado en Dereito. Curso Superior en Prevención de Riscos Laborais. Experto universitario en Protección de Datos (UNED). Diploma curso sobre Comunidades Europeas (USC).

Experto sociolaboral (Ministerio de Trabajo y Asuntos Sociales). Curso sobre Propiedade Intelectual. Avogado en exercicio. Foi concelleiro en Pontevedra en diferentes mandatos. Vinculado ao deporte local, foi directivo da Sociedade Deportiva Teucro. Casado e con dous fillos.

No Goberno municipal ten competencias sobre:

  • Xestión das competencias municipais en educación en todos os niveis obrigatorios e post-obrigatorios
  • Xestión de programas e actividades nos centros educativos
  • Fomento, promoción, xestión e desenvolvemento da actividade física, práctica deportiva e instalacións deportivas e novas instalacións
  • Eventos deportivos ata o ámbito galego

Contacto: afernandez@pontevedra.eu

Gloria Blanco Rial

Nada en Pontevedra o 28 de outubro de 1972.

Licenciada en Dereito pola Uned, exerce como avogada e está colexiada polo Colexio de Avogados de Pontevedra dende maio do ano 2000.

É membro da Asociación Española de Abogados de Familia (AEAFA) e está especializada nas áreas de Violencia de Xénero, Familia e Matrimonial.

No Goberno municipal ten competencias en:

  • Fomento da actividade económica
  • Comercio e incentivamento das actividades empresariais
  • Políticas de emprego
  • Actividades de promoción económica de todos os sectores produtivos
  • Promoción e fomento do turismo
  • Fomento e xestión de actividades feirais e congresuais
  • Mellora, mantemento e conservación dos mercados municipais e funcionamento dos mercadillos de venda ambulante
  • Xestión do matadoiro municipal
  • Relacións coa Universidade

Contacto: mblanco@pontevedra.eu

Iván Puentes Rivera

Nado en Fene, 17-04-1980

Doutor en Comunicación, Licenciado en Publicidade e Relacións Públicas e Máster en Investigación en Comunicación pola Universidade de Vigo.

Actualmente é Concelleiro de Desenvolvemento Sostible e Medio Natural do Concello de Pontevedra e traballa como profesor da Área de Comunicación Audiovisual e Publicidade da Universidade da Coruña (UDC), impartindo docencia nos graos en “Comunicación Audiovisual”, “Dereito” e “Creación Dixital, Animación e Videoxogos” de dita universidade, ademais de investigador vinculado ao grupo “CP2: Comunicación Persuasiva” da Facultade de Ciencias Sociais e da Comunicación do Campus de Pontevedra.

Ten realizado estancias de investigación e docencia en universidades portuguesas e iberoamericanas, como a Universidade do Minho (Braga), a Universidade dos Azores, a Universidade Técnica Particular de Loja ou a Pontificia Universidade Católica do Ecuador e é membro de diversos equipos de investigación das tres universidades galegas, vencellados ao estudo dos medios de comunicación.

Anteriormente, traballou na Televisión de Galicia (bolseiro), na Deputación Provincial da Coruña e como investigador e profesor das universidades de Vigo (Facultade de Ciencias Sociais e da Comunicación) e Santiago de Compostela (Facultade de Ciencias da Comunicación). Ademais, foi alcalde de Fene no mandato 2007 – 2011, así como membro de diversos organismos, como a Comisión de Relacións Internacionais da FEMP (Federación Española de Municipios e Provincias) o Consello Federal da FEGAMP (Federación Galega de Municipios e Provincias) ou o Consello de Administración da Autoridade Portuaria de Ferrol – San Cibrao.

No Goberno municipal ten competencias sobre:

  • Zonas verdes, parques e praias urbanas
  • Posta en valor das zonas naturais asociadas cos cursos da auga dos ríos e ría do concello
  • Actuacións en praias urbanas de DPMT
  • Divulgación e educación ambiental
  • Disciplina ambiental
  • Xestión dos parques infantís e interxeneracionais de ocio e das zonas verdes e xardíns no ámbito urbano
  • Novos parque e espazos de ocio

Contacto: ipuentes@pontevedra.eu

Paloma Castro Rey

Concelleira de Igualdade, Servizos Sociais e Benestar Animal.

Licenciada en Dereito e colexiada no Ilustre Colexio de Avogados de Pontevedra, exerce como avogada e é especialista en Dereito de Familia, Penal e Violencia de Xénero.

Secretaria de Igualdade na Agrupación Socialista de Pontevedra e secretaria de Xustiza na Executiva Galega do PSdeG-PSOE.

Ten unha columna de opinión no xornal dixital Mundiario.

Anteriormente, preparou durante 4 anos oposicións á Xudicatura e realizou varios traballos en materia de Violencia de Xénero e Igualdade. Foi cooperante en Cuba coa ONG Solidariedade Internacional, coa que segue a colaborar.

No Goberno municipal ten competencia sobre:

  • Servizos Sociais
  • Servizo de drogodependencias, Unidade de Día, prevención e inserción
  • Promoción da Igualdade
  • Sanidade animal
  • Canceira e animais abandonados

Contacto: pcastro@pontevedra.eu

O TEMPO

Pontevedra, ES
bruma
17.5 ° C
18.9 °
16 °
100%
2.1kmh
90%
Mér
17 °
Xov
17 °
Ven
17 °
Sáb
17 °
Dom
16 °
X