A Concellaría de Benestar Social Municipal levará a cabo, o vindeiro mércores, 4 de marzo, ás 19.30 horas unha nova xuntanza das asociacións pertencentes ao programa Hedra, e que teñen a súas dependencias na Casazul. No encontro avaliarase o traballo feito nestes dous anos de proxecto, e estudarán propostas de futuro.
O programa Hedra ten como obxectivo consolidar o tecido social do Concello de Pontevedra por iso a Casazul ofrece un espazo de reunión e encontro para estas entidades, e a cambio as asociacións propoñen diversas accións de colaboración coa Casazul dependendo da súa finalidade: charlas informativas, ciclos de proxeccións, fomento e formación en lingua de signos, campañas de sensibilización, atención personalizada para axuda e orientación á poboación xeral, cursos monográficos, apoio nos “Días mundiais”, aulas formativas interactivas,…
As asociacións que forman parte do programa e que asinarán hoxe o protocolo son:
- ADIPO (Asociación de deseño, innovación, producción e oficios)
- Asociación Parkinson Galicia
- Grupo Peregrino – Alcólicos anónimos
- Manaia. Asociación galega de axuda á adopción
- Federación de Asociacións de Persoas Xordas de Galicia
- Asociación Cultural Trepia (adícase ao baile e cultural tradicional galega)
- Asociación Cultural Black Box Project (adícase ao entrenamento das disciplinas da cultural urbán: rap, breakdance e beatbox, entre outras).
- Asociación de veciños “Santa María”
- Anedia. Asociación de nenos e nenas con diabete
- Asociación de persoas xordas de Pontevedra
- Arxilarte. Asociación cultural de ceramistas
- Medrando á par. Servizo integral educativo de apoio á familia.