O Concello de Pontevedra reuniu esta mañá a mesa de contratación do Servizo de mantemento e conservación das zonas verdes e arborado viario do municipio de Pontevedra. A reunión tivo como asistentes os representantes municipais dos servizos de Intervención, Contratación, Asesoría Xurídica así como os concelleiros Raimundo González Carballo, presidente da mesa, e o concelleiro do grupo municipal do Partido Popular, César Abal.
Na reunión abriuse o primeiro sobre (administrativo) no que se puido comprobar que todas as empresas tiñan a documentación en regla, e coa unanimidade dos asistentes, procedeuse a abrir o segundo dos sobres que contén as melloras das ofertas. Estas serán valoradas polos técnicos municipais nas vindeiras semanas antes de volver a reunir á Mesa.
As empresas que presentaron oferta ao concurso de xardíns son:
- Audeca S.L.U – Covsa
- Arbogal – Redenor
- Elsamex
- Orto, parques y jardines S.L.
- Cespa S.A
- San José – El Ejidillo viveros integrales S.L.
- Valoriza, servicios medioambientales S.A.
- Imesapi S.A. – Xermolo S.A.