O ritmo de vodas no Concello de Pontevedra
mantense en relación aos últimos anos. A día de hoxe xa se celebraron 42 e hai
en reserva 26 máis. A previsión do servizo de Protocolo, responsable da xestión
das vodas no Concello, é que se achegue a un cifra similar a do pasado 2010
cando se contabilizaron ata 85
casorios.
O número de vodas civís que se celebraron no
Concello foi crecendo a partir do ano 2000 e especialmente do 2004 cando xa non
baixaron dende os 60 casorios ao ano. A cifra máis alta acadouse o pasado ano
2010 con 85 vodas, seguido dos anos 2006 e 2007 con máis de 80 vodas.
As cifras
dende o ano 1995 son as seguintes:
ANO |
Nº DE MATRIMONIOS |
1995 |
4 |
1996 |
10 |
1997 |
3 |
1998 |
3 |
1999 |
7 |
2000 |
17 |
2001 |
39 |
2002 |
28 |
2003 |
46 |
2004 |
63 |
2005 |
62 |
2006 |
81 |
2007 |
81 |
2008 |
63 |
2009 |
62 |
2010 |
85 |
Na actualidade, as vodas celébranse no salón
vermello do Pazo de Mugartegui a onde se trasladaron dende o salón de actos da
Casa Consistorial durante as obras do estacionamento da praza de España. Agora
estase á espera da rehabilitación do edificio do Concello, na praza de España,
para que as vodas regresen á Casa Consistorial.
Para casar no Concello de Pontevedra, a diferenza
de moitos outros concellos galegos, non fai falla estar empadroado neste, pero
é preciso levar a cabo certas accións:
·
Tramitar a
solicitude no Rexistro Civil do Concello onde estean empadroados os futuros noivos,
encargado de autorizar ao noso Concello para a celebración da voda. O Rexistro
Civil de Pontevedra expedirá o documento denominado “Relación de datos de
matrimonio civil”.
·
Presentar no
Rexistro Xeral do Concello a seguinte documentación: solicitude de casamento,
documento acreditativo do pago da taxa correspondente (77,64 €), fotocopia do
DNI dos contraentes, fotocopia do DNI de dúas testemuñas maiores de idade que
deberán estar presentes na cerimonia e o anteriormente mencionado documento de Relación
de datos de matrimonio civil.
·
Elixir a
data chamando ao 986 804 303 ou acudindo ao Gabinete da Alcaldía do Concello os
martes e xoves de 8:00 a 15:00 horas. A data reservarase tres semanas, no caso
de non presentarse a solicitude, a reserva anularase. A solicitude coa
documentación necesaria ha de presentarse polo menos 10 días antes da realización
da voda.
·
Elixir o
horario. Pode ser en calquera día laborable de 8:00 a 14:30 horas; os venres
pola tarde de 18:00 a 20:00 horas ou os sábados de 11:30 a 14 horas pola mañá e
de 18:00 a 20:00 horas pola tarde. As vodas realizaranse no salón vermello do Pazo de Mugartegui os
venres pola tarde e sábados, e na planta terceira do edificio de Michelena 30,
os demais días.
·
Deberase
indicar, chamando ao 986 804 303, o seguinte: número aproximado de asistentes á
cerimonia, música (en directo ou gravada), adornos florais, presenza de aneis e
de vehículos.
Nota: Para
máis información contactar co Servizo de Protocolo no seguinte número 986 804
303.