Zafarrancho de limpeza no Campo do Boi

49

A Concellaría de Servizos, baixo a dirección da concelleira Carme da Silva, inicia esta semana un zafarrancho de limpeza no barrio do Campo do Boi, nas rúas do Urco, Milano dos Mares e Pilar Bértola.

Os traballos desenvolveranse na madrugada e na mañá do xoves.

Dado que se trata de zonas de estacionamento de vehículos e de carga e descarga, colocaranse valos indicativos prohibindo o aparcamento en toda a zona dende hoxe, aínda que a prohibición non será efectiva ata mañá pola tarde.

  A limpeza desenvolverase con varredorias, máquinas de auga e limpeza a pé. A concellaría solicita a colaboración de veciños e de condutores para acadar unha perfecta limpeza das rúas.