LUGAR: punto de encontro para inicio da actividade no palco de música da Alameda
HORARIO: 11-13 h.
Hoxe en día o barrio da Moureira perdeu o recordo do seu próspero pasado, polo que vos propomos un xogo de pistas e percorrido polas tres zonas que a compoñen, coa pretensión de recuperar eses momentos do pasado buscando elementos que aínda se manteñen no presente. Este itinerario relaciónase coa reconstrución da historia seguindo unhas pistas. O xogo rematará cando se conclúa o circuíto e se superen as probas satisfactoriamente, tendo que chegar ao punto de encontro marcado. Formaranse 5 grupos coas persoas inscritas. O premio para o grupo gañador consistirá nun bono de 30 euros para cada membro do grupo, co que poderán mercar libros.
IDADES: 14-30 anos
COTA DE PARTICIPACIÓN: gratuita
IMPARTE: Etnoga Patrimonio Cultural S.L.
MATERIAL: unha cámara de fotos ou móbil con cámara por grupo
Inscricións por rigorosa orde de chegada, a partir do 7 de xuño.
INFORMACIÓN E INSCRICIÓN: Oficina Municipal de Xuventude de Pontevedra. r/ Sor Lucía, 2, 3º, tel. 986 840 367 de luns a venres de 9 a 14 h. xuventude@pontevedra.eu