A Concellaría de Cultura inicia mañá o novidoso programa Sete Falares Encontro internacional de contadores de historias que encherá a cidade de contos e historias para pequenos e grandes durante toda a fin de semana. En colaboración co grupo Pavís-Pavós, Pontevedra será unha cidade de conto porque acollerá a importantes narradores de Brasil, Portugal, Reino Unido e Galiza.
Sete falares terá varios escenarios na cidade: a Casa das Campás, o Teatro Principal, Ruínas de San Domingos, CITA, o Quiosco da Alameda e ata unha viaxe en barco pola ría coa saída dende as Corvaceiras.
A programación de mañá é so de tarde:
• 18.00 horas. Casa das Campás. Contos ao Azar de Andrea Bayer. Para público infantil.
• 20.00 horas. Teatro Principal. De dous en dous. Clara Haddad e Paula Carballeira. Para público adulto.
• 22.00 horas. Ruínas de San Domingos. De dous en dous de Rosana Mont`Alverne e Cándido Pazo. Para público adulto.