O Concello participa no acto nacional da Memoria histórica de San Simón

52

Pontevedra estará representada este domingo, 15 de xullo, no acto nacional da Memoria Histórica, organizado pola Coordinadora galega da memoria, a través dun grupo aproximado de 30 persoas que se inscribiron a través das asociacións Sempre con vós e Maio Longo, así como polo concelleiro de Patrimonio Histórico, Luís Bará.

Nesta edición, o acto que se celebrará na Illa de San Simón, estará centrado na memoria da xeración máis nova, representada polos netos das persoas represaliadas. Quérese desta maneira salientar a transmisión xeracional e a continuidade da reivindicación do compromiso das vítimas da ditadura franquista.

O programa previsto é o seguinte:

• 9:30-10:30: embarque no peirao de Cesantes (acceso desde Redondela, por Avda de Mendiño pasando polo IES Mendiño e seguindo cara ao porto).
• 10:30: Benvida e Presentación do proxecto documental "A Pegada dos avós", Trailer e intervención de tres dos rapaces que o protagonizan (no auditorio).
• 11:00: En San Antón (illa pequena) e con megafonía se o tempo o permite (senón faranse as intervencións no auditorio e en San Antón só as ofrendas).
o Intervención de Pablo Iglesias
o Intervención de Ana Aller
o Intervención de Valentín García Bóveda
Nos tres casos trátase de descendentes de persoas represalidadas polo franquismo. Valentín García Bóveda, pontevedrés, é neto de Alexandre Bóveda e secretario da Fundación Alexandre Bóveda.
• Saúdo dos superviventes de San Simón.
• Gaiteiros (Himno galego e himno de Riego)
• Solta de Pombas
• 12:00. Paseo libre.
• 12:30 – 13:30. Embarque de regreso.