A Xunta de Goberno Local aprobou esta mañá a prórroga dos contratos de seguros do Concello. Trátase dunha prórroga por un ano e permitirá un aforro do 25% do gasto anual actual, que é de 262.000 euros, segundo informou esta mañá o portavoz do Goberno, Raimundo González Carballo.
O Concello ten catro tipos de seguro:
- Responsabilidade Civil
- Accidentes
- Daños materiais
- Seguros de vehículos municipais
Por estes catro tipos de seguro o Concello paga ao ano 262.000 euros. Unha negociación realizada polo concelleiro de Réxime Interior, Vicente García Legísima, con AXA e Maphre (os dous seguros cos que hai contratos) permitiu rebaixar á contía a 198.000 euros, o que supón un 25% menos que o pasado ano.