Xuventude informa aos mozos do concello sobre a oferta de actividades para este curso

62

Os alumnos do Instituto Torrente Ballester serán os primeiros en recibir a visita do concelleiro de Xuventude, Demetrio Gómez e do equipo de Xuventude do Concello de Pontevedra para informarlles sobre como participar nas actividades organizadas por este departamento municipal para este ano: Noites Abertas e Pisando Forte. Con esta, comezan as charlas que este departamento do Concello fará nos vindeiros días nos distintos institutos da cidade para incentivar á participación activa da mocidade na vida social da cidade.

O calendario previsto é o seguinte:

• IES Torrente Ballester. xoves, 4 de outubro. Ás 12.30 horas.
• IES Martín Sarmiento. Venres, 5 de outubro. Ás 10.00 horas.
• IES A Xunqueira I. martes, 9 de outubro. Ás 10.00 horas.
• IES Martín Sarmiento. Mércores, 10 de outubro ás 10.00 horas.

Cada vez son máis os/as que se implican máis alá da mera asistencia como usuarios/as das actividades, pasando a ser monitores/as destas e converténdose, en moitos casos, na súa primeira experiencia laboral e de responsabilidade.

A Concellaría de Xuventude quere animar a todos os mozos do concello entre 12 e 30 anos a participar nesta oferta lúdico-educativa que trata de achegar á xente nova cara actividades formativas e lúdicas construtivas, divertidas e interactivas.