Continúa o zafarrancho de limpeza no barrio da Parda

39

A Concellaría de Servizos, baixo a dirección da concelleira Carme da Silva, retoma nesta semana os zafarranchos de limpeza da área urbana do municipio. Limparase a rúa Conde de Gondomar e Gaiteiro da Portela.

Os traballos desenvolveranse na madrugada e na mañá do xoves.

Dado que se trata de zonas de estacionamento de vehículos e de carga e descarga, colocaranse valos indicativos prohibindo o aparcamento en toda a zona. A prohibición é efectiva dende a tarde do mércores.

  A limpeza desenvolverase con varredoras, máquinas de auga e limpeza a pé. A concellaría solicita a colaboración de veciños e de condutores para acadar unha perfecta limpeza das rúas.