O alcalde de Pontevedra cursou sendos convites á ministra de Fomento, ao conselleiro de Infraestruturas e o presidente da Deputación por si quixeran acompañar á delegación pontevedresa que mañá se trasladará a Bruxelas para recoller o premio europeo Intermodes polo modelo de cidade.
A delegación pontevedresa acudirá á Bruxelas cunha publicación específica en inglés que será repartida entre o público asistente ao congreso, así como un vídeo no que se resume a cidade de Pontevedra e o seu modelo urbano.
Neste congreso tamén participará nunha mesa redonda xunto a representantes do Gran París e de Amsterdan, o Concello de Pontevedra. Será o Intendente Principal da Policía Local o encargado de impartir esta conferencia sobre o modelo urbano da cidade.
Adxúntase o programa do congreso e a argumentación de Intermodes para concederlle o premio ao Concello de Pontevedra, o único outorgado a un organismo español.