Pontevedra envía a maior representación galega aos X Xogos do Eixo Atlántico

63

O equipo pontevedrés que participará nos X Xogos do Eixo Atlántico foi despedido hoxe nun acto oficial en presencia do alcalde de Pontevedra, Miguel Anxo Fernández Lores, e o concelleiro de Deportes, Agustín Fernández.
O evento naceu hai 20 anos e celébrase con periodicidade bianual alternando como sede os municipios portugueses e galegos membros do ente interrexional Eixo Atlántico. Os Xogos, dirixidos ao deporte escolar, son o programa mais participativo e emblemático da asociación de concellos do norte de Portugal e Galicia.
Durante cinco días, máis de 1.500 rapaces e rapazas de idades comprendidas entre os 16 e 14 anos, competirán en Guimaraes nas distintas modalidades deportivas, sen perder de vista a formación en principios de convivencia e deportividade.
Una ano máis, o Concello de Pontevedra, facendo gala da ampla participación deportiva dos seus concidadáns, desprazará a cidade portuguesa a expedición máis ampla de todos os concellos participantes: un total de 104 persoas entre deportistas, adestradores, delegados, fisioterapeutas e responsables municipais.
Un total 81 rapaces e rapazas competirán, representando ao Concello de Pontevedra nas modalidades deportivas de Atletismo, Atletismo adaptado, balonmán masculino, baloncesto masculino e feminino, fútbol 7 e voleibol feminino. A expedición de Pontevedra complétase con un total de 23 adultos que van o cargo da expedición.
As competicións dos deportes colectivos disputaranse entre o 30 de xuño e o 4 de xullo. As competicións individuais entre o 3 e o 4 de xullo.