O Consello Parroquial de Tomeza coñeceu onte a primeira proposta de reforma interior do Centro Cívico de Lusquiños, que se ubica nun edificio do que na actualidade só se utiliza unha pequena aula.
A proposta, realizada por técnicos municipais, está someténdose á consideración de todos os colectivos da parroquia, representados no Consello, que expoñerán as súas observacións para elevalo a definitivo e posteriormente convertilo en proxecto de execución. Será o momento de fixar o orzamento da obra.
Esta actuación que ve iniciados os seus trámites parte dunha proposta do propio Consello Parroquial, asumida polo Concello a través do programa Pontevedra Participa, e está impulsada polo concelleiro encargado dese territorio, Demetrio Gómez Xunqueira.
Inicio Novas