Ábrese o prazo para solicitar posto no tradicional mercado de flores da praza da Ferrería

70

As persoas interesadas en obter posto de venda no tradicional mercado de flores da praza da Ferrería con motivo das festividades de Todos os Santos e Defuntos deben presentar a súa solicitude a partir de mañá mércores, día 9, e ata o 28 deste mes de outubro.

A concelleira de Promoción Económica, Carlota Román, vén de asinar a resolución pola que se abre este período. Os/as interesados/as deben presentar as solicitudes nas oficinas do servizo municipal, sito na Casa da Luz, praza da Verdura. Alí poden tamén retirar a documentación necesaria en horario de 9.30 a 14.00 horas, de luns a venres. Máis información no teléfono 986 84 85 52.

O mercado de flores celebrarase, como todos os anos, na praza da Ferrería durante as xornadas festivas do Día de Tódolos Santos, 31 de outubro, e de Defuntos, 1 de novembro.