Lugar: Sexto Edificio. Museo de Pontevedra. Rúa Padre Amoedo, 3.
Horario: martes a sábado de 10 a 21 h. Domingos e festivos de 11 a 14 h. Luns pechado.
Conta a lenda que, en torno a mediados do S. XIX, un vidreiro moi pobre, non podendo permitirse comprar as mazás, noces e galletas coas que tradicionalmente se adornaba a Árbore de Nadal, decidiu imitar as súas formas soprándoas en vidro. Nacían así as bólas de Nadal de vidro.
Seguindo métodos empregados desde hai case 200 anos, vidreiros de diferentes lugares de Europa, continúan creando estas preciosas pezas artesanalmente. Con esta exposición o Museo quere darlles a coñecer unha selección destas pequenas xoias e a súa historia, así como anécdotas curiosas que afectan ós personaxes e obxectos que protagonizan o Nadal e que estes adornos reproducen.