A FANPA (Federación de ANPA da provincia de Pontevedra) convoca o II Certame de Relato Curto. Está dirixido ao alumnado de primaria, secundaria e bacharelato dos centros públicos da provincia de Pontevedra e aos adultos que convivan con eles.
O prazo de entrega dos traballos vai ata o 28 de febreiro.
Os relatos gañadores e os finalistas serán publicados nun libro pola editorial Kalandraka e os catro relatos gañadores publicaranse, ademais, no Diario de Pontevedra. Ademais da editorial Kalandraka, colaboran a Concellaría de Normalización do Concello de Pontevedra, a Deputación de Pontevedra, o Diario de Pontevedra, Gadis e Novagalicia Banco.
Os principais obxectivos deste certame son: fomentar a creatividade no alumnado, potenciar a expresión e comprensión escrita, estimular o uso do galego nas familias, facilitar as posibilidades de publicación a novos creadores/as, apoiar os escritores/as noveis e afeccionados/as, crear un espazo común e familiar para a creación literaria.
+info. e bases do certame en www.nontedurmas.org