O Concello inicia maña os actos do Día da Muller

76

A concelleira de Muller, Carmen Fouces explicou esta mañá que o Concello optou por deixar para esta semana os actos relativos á celebración do día 8 de marzo, Día da Muller "para desvinculalo do entroido". A programación para estes días é a seguinte:

  • Martes, 11 de marzo, ás 20.00 horas na Casa das Campás: Conferencia "Análise sobre os cambios lexislativos actuais e os seus efectos sobre as mulleres" a cargo de Alba Nogueira, profesora de dereito administrativo da USC, e Xabier Pérez Davila economista, mestre e sindicalista.
  • Mércores, 12 de marzo, ás 20.00 horas no Teatro Principal: Lectura do manifesto elaborado polos centros de ensino que participaron no Club de Debate. E espectáculo musical a cargo do Coro da Rá.
  • Xoves, 13 de marzo ás 20.00 horas na Casa das Campás: proxección do documental Doli, Doli, Doli… coas conservairas, e coa presenza da autora do documental Uqui Permuy.