Lugar: Teatro Principal.
Hora: 21 h.
Prezo: 8 € (xeral) e 5 € (estudantes, parados e xubilados). Entradas á venda no 902 504 500 en www.servinova.com
Atopámonos diante dunha proposta moi especial da compañía Teatro do Atlántico. Fermosa, chea de tenrura e humor, ao tempo que dura e profunda; unha escrita plena de sensibilidade que, como espectadores, levaranos a transitar camiños absolutamente imprevisíbeis.
David Desola ofrécenos un texto de moi alta calidade dentro dunha orixinal estrutura dramática e, xunto con iso, sitúanos nunha inquietante e conmovedora paisaxe humana.
Personaxes adultos, fráxiles cal cativos, golpeados polas circunstancias que a vida lles impuxo, andan á procura dun burato que lles permita crer que existe a luz ao remate do túnel.