A concelleira de Seguridade Cidadá, Carme da Silva participa mañá pola noite na Semana Europeia da Mobilidade que organiza o concello portugués de Vila Real entre o 16 e o 22 de setembro.
Baixo o tema "As nossas ruas, a nossa escolha", Pontevedra foi convidada a participar nun seminario baixo o título "A cidade de todos e para todos. Reflexao sobre que cidades queremos ter no futuro" para presentar os proxectos de remodelación do espazo público urbano executados na cidade.
No Claustro dos Paços do Concelho de Vila Real, ás 21 horas de mañá, a concelleira pontevedresa estará acompañada de Mário Alves, consultor na área de mobilidade; Vitor Santos, da Universidade da Beira Interior /Centro Hospitaltar de Covilha. O debate estará moderado polo vereador Adirano de Sousa.
Inicio Sin categoría