Exposición de fotografías da última edición do concurso "European Wildlife Photographer of the Year".
Unha boa escolma de imaxes engaiolantes e necesarias sobre o noso planeta chegan un ano máis do Museo de Historia Natural de Londres. Son as seleccionadas no certame anual europeo Wildlife, que premia arte, técnica e sensibilidade medioambiental da fotografía de natureza.
Imaxes chegadas de diferentes partes do mundo, das paraxes máis salvaxes, amósannos con sublime espectacularidade a esencia do natural a través de animais ou flora. Os seus autores, xente especialmente vinculada ao medio, intentan transmitir con cada imaxe unha beleza singular e ao mesmo tempo un profundo respecto cara á vida natural, sen ningún tipo de contaminación ou influencia humana. Moitas das imaxes sérvennos mesmo para comprender un pouco máis a esencia dos animais, o instinto.
Ata o 3 de xaneiro de 2015 no Centro Cultural Afundación. Café Moderno. Praza de San Xosé, 3. Pontevedra. Horario: luns a venres, 18 a 21 h. Sábados, 11 a 14 h. e de 18 a 21 h.