A Concellaría de Normalización Lingüística ofreceu aos centros educativos de primaria, a principios deste curso, a posibilidade de realizar os obradoiros Lingua Forza 3. Trátase dunha xincana con probas e xogos populares en versión lingüística, deseñados especialmente para esta actividade nos tres ciclos de educación primaria.
Para superar as distintas probas os rapaces e rapazas terán que empregar as súas destrezas de traballo en equipo, resistencia, habilidade e velocidade física, lingüística e mental. Os monitores irán enfiando todas as probas coa posta en escena e narración dramatizadas. O formato e a presentación da actividade é común aos tres ciclos de primaria, aínda que varían as probas, a dificultade e os contidos lingüísticos.
Os contidos (adaptados a cada ciclo) son os seguintes:
1. Recibimento e quecemento. Contextualización dramatizada da actividade e motivación para fomentar a participación dos nenos e nenas. Explicación en círculo da sesión. Aproximación práctica ao léxico específico relacionado co currículo de educación física.
2. Feirón con tres probas rotatorias:
• Proba de habilidade física, lingüística e mental: xogo e traballo co patrimonio cultural inmaterial do galego oral.
• Proba de resistencia física, lingüística e mental: xogo cooperativo no que se traballa co léxico e vocabulario específico da área de educación física.
• Proba de velocidade física, lingüística e mental: xogo cooperativo e construción de palabras escritas correctamente en galego.
3. Proba definitiva. Empregando compoñentes do noso patrimonio oral un xogo reunirá as tres disciplinas: habilidade, velocidade e fortaleza física co uso da lingua como ferramenta fundamental.
Hai xa peticións para facer máis obradoiros Lingua Forza 3 á volta das vacacións de Nadal, e aínda están a tempo de solicitar estes obradoiros outros centros educativos que o desexen, poñéndose en contacto co Servizo de Normalización Lingüística do Concello.
Os obradoiros realizaranse nos seguintes centros de ensino no mes de novembro:
Luns 17:
• CEIP San Bieito de Lérez
40 (1º ciclo de primaria) de 9.15 a 10.55 h
45 (2º ciclo de primaria) de 11.15 a 13 h
Martes18:
• CEIP Parada Campañó
45 (1º, 2ºe 3º de primaria) de 10.20 a 12 h
27 (4º, 5º e 6º de primaria) de 12.30 a 14.10 h
Mércores 19:
• CEIP Vilaverde Mourente
50 (1º de primaria) de 9.50 a 11.30 h
50 (2º de primaria) de 12.10 a 13.55 h
Xoves 20:
• CEIP Vilaverde Mourente
75 (3º de primaria) de 9.15 a 11 h
50 (4º de primaria) de 11 a 12.40 h
Venres 21:
• CEIP Vilaverde Mourente
50 (5º de primaria) de 9.50 a 11.35 h
75 (6º de primaria) de 12.10 a 13.50 h
Luns 24:
• CEIP Manuel Vidal Portela
48 (5º de primaria) de 9 a 10.40 h
• CEIP San Bieito de Lérez
35 (3º ciclo de primaria): de 11.30 a 13.10 h
Martes 25:
• CEIP Manuel Vidal Portela
47 (6º de primaria) de 9 a 10.40 h
• CEIP de Campolongo
75 (6º de primaria) de 12 a 13.40 h
Mércores 26:
• CEIP Manuel Vidal Portela
50 (4º de primaria) de 9 a 10.40 h
45 (3º de primaria) de 11 a 12.40 h
Xoves 27:
• CEIP de Campolongo
50 (5º de primaria) de 9.50 a 11.35 h
50 (5º de primaria) de 12 a 13.40 h
Venres 28:
• CPR Salvador Moreno
56 (1º, 2ºe 3º de primaria) de 9.00 a 10.40 h
64 (4º, 5º e 6º de primaria) de 11 a 12.40 h