Campañó recupera “A Corrida da rosca”

117

A parroquia de Entroido de CampanóCampañó recupera este domingo, 22 de febreiro, “A corrida da rosca” un entroido tradicional desta parroquia que está documentado, cando menos, dende principios do século XX polos escritos de José Casal. O Concello de Pontevedra xunto á Asociación Cultural de Campañó porán en marcha esta iniciativa que consistirá na organización de carreiras no campo da festa de Cabaleiro (uns 60 metros). Comezarán ás 17.00 horas e todas as persoas -especialmente se van vestidos de choqueiros- poderán participar. As carreiras desenvolveránse de dous en dous ou de catro en catro, e os gañadores recibirán a afamada rosca: de pan con ovos e chourizo.

Segundo o historiador José Fuentes, os primeiros documentos coñecidos deste entroido son do médico José Casal e datan do ano 1908. Nel fálase do “correr da rosca en Campañó”. En escritos sucesivos aparece máis información coma que participan persoas vestidas con farrapos vellos e con careta de cartón ou de tela vella. O premio era unha rosca de pan de trigo con ovos cocidos embutidos que a penduraban dunha pértega. Logo de varías carreiras que se disputaban de dous en dous, gañaba a rosca o que pasaba todas as carreiras clasificatorias.