Rematou Domingos do Principal 2015 , o festival de teatro familiar promovido polo Concello de Pontevedra e coordinado por Teatro Akatro.
4.846 espectadores gozaron dos distintos espectáculos durante estes sete domingos que durou o festival.
Nesta edición como nas anteriores, o público puido dar a súa opinión sobre os espectáculos e sobre a organización a través dunha papeleta de valoración.
As papeletas de votación están estruturadas de tal xeito que votan por separado os maiores e os menores de trece anos. Mentres os maiores usan unha táboa do un ao dez, os pequenos marcan nuns cadros onde elixen entre: Non me gustou nada, gustoume pouco, gustoume bastante, gustoume moito. Tamén hai un espazo reservado para críticas e suxestións que usan tanto grandes como pequenos.
Esta iniciativa tivo unha gran acollida entre o público que se achegou domingo tras domingo ao teatro facendo así o ciclo máis dinámico debido á súa participación e fomentando o espírito crítico nos máis pequenos.
Nesta edición o espectáculo mellor valorado tanto polos maiores de trece anos como polos menores de trece anos foi “La gran A ventura “ do clown catalán Marcel Gross. Con 9,88 e 9,61 puntos de media respectivamente.
O segundo mellor valorado polos menores de 13 anos :
- Teatro Gorakada con “La vuelta al mundo en ochenta días” con 9,51 puntos de media. O segundo mellor valorado polos maioresde 13 anos :
- Teatro paraiso coa súa versión de “Pulgarcito” con 9,47 puntos de media. O terceiro mellor valorado polos menores de 13 anos :
- Teatro Gorakada con “La vuelta al mundo en ochenta días” 9,37 puntos de media. O terceiro mellor valorado polosmaiores de 13 anos :
- Teatro paraiso coa súa versión de “Pulgarcito” con 9,48 puntos de media
O balance non pode ser máis positivo para un ciclo de teatro familiar que xa é un referente non só pola calidade e a variedade dos espectáculos, senón polo éxito de público.
Tantos anos de programación de teatro familiar de calidade deron para ter un público fiel, exixente e ao mesmo tempo educado teatralmente, esta cuestión merece ser remarcada pola reiteración que nos fan os membros das distintas compañías ao rematar as funcións.
Puntuacións medias obtidas:
- Teatro Gorakada: “La vuelta al mundo en ochenta días”
Menores de 13 anos: 9.51 SEGUNDO MÁIS VOTADO
Maiores de 13 anos: 9.37 TERCEIRO MÁIS VOTADO
- Lasal teatro: “Bailando sin zapatos”
Menores de 13 anos: 8.80
Maiores de 13 anos: 7.90
- Au Ments Danza: “Malasombra”
Menores de 13 anos: 7.29
Maiores de 13 anos: 7.21
- Marcel Gros: “La gran aventura”
Menores de 13 anos:9.88 MÁIS VOTADO
Maiores de 13 anos: 9.61 MAIS VOTADO
- Teatro Ghazafelhos: “3,2,1…”
Menores de 13 anos: 9.14
Maiores de 13 anos: 8.42
- Caramuxo Teatro: “As fabas máxicas”
Menores de 13 anos: 8.72
Maiores de 13 anos: 8.21
- Teatro Paraiso: “Pulgarcito”
Menores de 13 anos: 9.48 TERCEIRO MÁIS VOTADO
Maiores de 13 anos: 9.47 SEGUNDO MÁIS VOTADO