O Concello de Pontevedra asfaltará este sábado, 9 de maio, distintas rúas da cidade, un proxecto que se executa aproveitando a primavera para alongar o máis posible a vida útil dos pavimentos.
Serán Sagasta, Xoaquín Costa e Peregrina. Trátase de recuperacións parciais do asfaltado naqueles tramos que se atopen máis deteriorados.
As obras de fresado e asfaltado realízanse nun sábado co fin de prexudicar o menos posible aos cidadáns.
En vindeiros días continuarase co asfaltado parcial das rúas:
- Conde Bugallal
- Domingo Fontán
- Costa
- Filgueira Valverde
- Xoán Carlos I
- Portugal
- A subida aos Areás
O orzamento desta actuación que realizará a empresa Covsa é de 60.250,86 euros.