Pontevedra, 23 de xuño de 2015. O Proxecto Orquestral do Conservatorio e a Escola de Música de Cangas volven a protagonizar o Proxecto Orquestral que actuará este venres, 26 de xuño, ás 21 horas no Pazo da Cultura. A entrada é de balde.
Despois de varios anos de traballo e un DVD (Proc 2014 en Concerto no Teatro Principal de Pontevedra) e catro CDs editados (Proxecto Orquestral, 2009; In Crescendo, 2010; Encores, 2013; Suite de Sons, 2014), o Proxecto Orquestral do Conservatorio e a Escola de Música de Cangas, volve a Pontevedra cunha formación renovada de sesenta rapazas e rapaces, todos eles alumnos, ex alumnos e mestres do Conservatorio Profesional de Música de Cangas e da Escola de Música “Mestre Inocentes Camaño”.
Baixo a dirección musical do mestre Alberto González Avilés, o Proc rematará en Pontevedra a xira 2015 cun novo repertorio, composto e arranxado para esta agrupación polo propio Alberto González Avilés.
PROGRAMA
1º PARTE
TEMA DE “SABRINA” | JOHN WILLIAMS |
AMÉRICA (de West Side Story) | LEONARD BERNSTEIN |
HOME ALONE | JOHN WILLIAMS |
PIE JESU | KARL JENKINS |
UN EPÍLOGO SOBRE A B.S.O. DE E.T. | JOHN WILLIAMS |
2º PARTE
ADIÓS NONINO | ASTOR PIAZZOLLA |
SUNRISE, SUNSET | JERRY BOCK |
SUITE SINFÓNICA DO ANEL | ALBERTO G. AVILÉS |
(Baseada en temas orixinais do autor e de H. Shore)
- Scherzo con fuoco-Primitivo
- Adagio-Andante Maestoso-Final
Todas as obras son arranxos orixinais de Alberto G. Avilés para o Proxecto Orquestral.