Cultura aproba nomear avenida Josefina Arruti ao desdobramento da avenida de Vigo

172

A Comisión de Benestar, Cultura e Dinamización sociocultural reuniuse esta mañá no Concello de Pontevedra para abordar os seguintes asuntos que serán debatidos na sesión plenaria do vindeiro luns, 20 de xullo.

  1. Moción do grupo municipal do BNG, para nomear a respecto do emprego de nomes de mulleres para a denominación de vías públicas, parques e edificios municipais, e outras formas de recoñecemento e homenaxe. A comisión acordou ditaminar favorablemente este punto cos votos a favor dos representantes dos grupos municipais do BNG (4), do PS de Galicia-PSOE (1) e Ciudadanos (1), e a abstención dos representantes dos grupos municipais do Partido Popular (2) e Marea Pontevedra (1).
  2. Moción do grupo municipal de Marea Pontevedra para que non se asine o contrato de cesión de uso da praza de touros para espectáculos non taurinos nin outros similares que favorezan o maltrato animal. A comisión acordou rexeitar por maioría a moción cos votos en contra do Grupo Municipal do BNG (4) e do Grupo Municipal do Partido Popular (2), a favor o Grupo Municipal do PS de Galicia-PSOE (1) e Marea Pontevedra (1). Abstención de Ciudadanos (1)
  3. Moción do Grupo Municipal do Partido Popular para convocar un novo concurso sobre a denominación das vías públicas de Pontevedra. A comisión acordou rexeitar por maioría a moción cos votos en contra do Grupo Municipal do BNG (4), Grupo Municipal do PS de Galicia-PSOE (1), Marea Pontevedra (1) e Ciudadanos (1), e os votos a favor do Grupo Municipal do Partido Popular (2).
  4. Moción do Grupo Municipal do Partido Popular para a declaración do Camiño Portugués como patrimonio da humanidade. A comisión acordou aprobar por unanimidade a proposta presentada polo Grupo Municipal do Partido Popular.