O Corpo de Bombeiros de Pontevedra está a realizar nestes días un curso de emerxencias polo derrame de mercadorías perigosas, dado que é unha das casuísticas nas que terían que intervir este corpo municipal especializado.
Este curso estase a desenvolver no Pazo da Cultura dende esta mañá e prolongarase durante dous días máis. Mañá pola mañá continuará a xornada teórica no Pazo da Cultura (Seminario 1) e pola tarde as prácticas trasladaranse ao parque de Bombeiros.
Para impartir estas clases trasladáronse dous monitores especializados dende a Comunidade de Murcia.