A Xunqueira acolle esta fin de semana Liga de Campións de fútbol gaélico

109

A Concellaría de Deportes colabora esta fin de semana na organización da Liga de Campións de fútbol gaélico que organiza o Pontevedra Fútbol Gaélico e que se organizará mañá, 14 de novembro, nos campos da Xunqueira. Nesta competición participarán os equipos europeos gañadores das súas respectivas ligas.

Na competición masculina, ademais do Pontevedra Fútbol Gaélico, disputa­rán a competición o Estrela Vermelha de Santiago como vencedores da última edición da Liga Gale­ga de Fútbol Gaélico; o Madrid Harps como vencedores do Campionato Ibérico 2015 e o Tolosa Gaels como vencedores do Campionato de Francia. Tamén participarán ademais do Irmandinhos A Estrada como subcam­pións do Campionato Paneuropeo e A Coruña Fillos de Breogán como subcampións da liga galega.

Na competición feminina participarán Irmandinhas da Estrada, Fillas de Breogán da Coruña e Estrela Vermelha de Compostela ademais das anfitrioas do Pontevedra FG.

Os encontros comezarán pola mañá coa disputa da fase de grupos, e despois de xantar terán lugar os encontros finais que definirán os vencedores.