Unha ocupación hoteleira do 85% durante a Semana Santa acredita a Pontevedra como un destino turístico de interese crecente en Galiza. Foi a mellor tempada dos últimos anos, recoñecen os propios hoteleiros e hosteleiros locais que subliñan os beneficios para o sector que chegan da man dos moitos eventos deportivos que hai na cidade e das citas culturais innovadoras que promoven a cidade no exterior, do Camiño Portugués a Santiago e dun modelo de cidade pensado para ás persoas.
Todos estes factores abren camiño tamén a unha crecente desestacionalización do turismo que rexistra picos coincidindo cos distintos eventos nacionais e internacionais celebrados.
Os datos turísticos da Semana Santa amosan tamén que Pontevedra gaña peso como destino pero tamén como base para percorridos polas Rías Baixas e o conxunto de Galiza, dun xeito especial nas chamadas estancias curtas (2-4 días). Na pasada Semana Santa dos visitantes que pasaron polos centros municipais de información turística preto do 30% durmian na cidade do Lérez.
Nos puntos de atención turistica municipais -Casa da Luz, praza de España e Vialia- pediron información nos días de Semana Santa un total de 2.888 persoas, o 89,1%delas orixinarias de Galiza e as distintas comunidades do Estado e o 10,9% chegados do estranxeiro.
Os datos turísticos da Semana Santa amosan tamén que Pontevedra gaña peso como destino pero tamén como base para percorridos polas Rías Baixas e o conxunto de Galiza, dun xeito especial nas chamadas estancias cortas (2-4 días). Na pasada Semana Santa dos visitantes que pasaron polos centros municipais de información turística preto do 30% durmían na cidade do Lérez.
A análise dos datos recollidos nos tres puntos de atención ao visitante, recollidos e avaliados pola empresa Turismo de Pontevedra da Concellería de Promoción Económica e da Cidade, nos deixa trazar o perfil do turista que elixe Pontevedra como destino. Trátase dunha muller (no 52,7% dos casos), cunha idade que vai dende os 36 aos 59 anos (49,7%) e aloxado nun hotel (71,8%).
A meirande parte dos turistas que veñen a Pontevedra chegan á cidade en vehículo particular, o 57,69% do total aos que hai que engadir outro 23,4% que chegou en bus. Oito de cada dez declararon que visitaba a cidade do Lérez por vez primeira.