Pontevedra será obxecto de estudo na NightShop organizada pola Universidade de Louvain sobre as utopías urbanas este mércores, 25 de maio. A cidade estará representada polo alcalde, Miguel Anxo Fernández Lores, que compartirá mesa con Marc Fleurbaey, economista, profesor da Universidade de Princeton e experto en desigualdade; Georgios Maillis, arquitecto principal da ciudade de Charleroi; e Philippe Van Parijs, profesor de la Universidade de Louvain e de Oxford. O debate estará moderado por Béatrice Delvaux, editorialista en xefe do xornal Le Soir.
A Universidade de Louvain, que conta na Bélxica francófona, con arredor de 30.000 estudiantes, está abordando neste 2016 “As utopías do tempo presente”, unha singular forma de celebrar o 500 aniversario da publicación do libro Utopía, de Tomás Moro (1516).
Logo de coñecer a experiencia urbana de Pontevedra nun documental da Televisión francesa 2, a Universidade belga quere coñecer a experiencia de primeira man. De feito, recoñecen que “a cidade de Pontevedra é, a día de hoxe, unha bela utopía realizada”.
O acto celebrarase no Centre Culturel rexional de Charleroi, de 19.00 a 21.30 horas.