A Concellaría de Medio Natural realizou durante esta semana e a pasada traballos de limpeza do río Lérez para retirar os arrastres do río durante o inverno e ter a canle do Lérez -entre as pontes dos Tirantes e de Monte Porreiro- en bo estado para disputar os vindeiros Campeonato de Europa Master de Piragüismo Maratón entre os 28 e 29 de xuño e o Campeonato de Europa Élite de Piragüismo Maratón do 30 de xuño ao 3 de xullo.
Nestes traballos realizáronse retiradas de tubaxes e outros elementos, pero especialmente de troncos de árbores.
Traballouse con mergulladores que cortaban a madeira no fondo do río, a arrastraban cara a beira do Lérez e logo a cargaban nun camión de 5.000 quilos.
Os técnicos da Concellaría confirmaron que se retirou a carga do río máis comprometida para os piragüistas, sen entrar a retirar toda a materia orgánica do fondo do río, xa que é preciso para manter a biodiversidade do Lérez.