A Concellaría de Medio Natural iniciou nestas semanas distintos traballos de mantemento e reparación nos tres areais urbanos do Concello. Nas praias de Ponte Sampaio, Lourizán e no Lérez.
En concreto, fixéronse labores de mantemento nas zonas verdes e no mobiliario urbano, e tamén se mellorará a zona do arenal nos tres casos. Ademais, na praia de Praceres está prevista unha limpeza específica para retirar todas as algas que chegan á beira durante o inverno.
A mellora nas praias completarase co servizo de vixianza e seguridade que o Concello activa cada verán.
No caso da praia do Lérez, está previsto que o servizo de socorrismo comece o 24 de xuño e remate o 11 de setembro. Nos meses de xullo e agosto haberá dous socorristas. Os horarios do servizo será de 12.30 a 20.30 horas, e polas tardes, complementarase cun segundo socorrista de 16.30 a 20.30 horas.
Na praia de Ponte Sampaio tamén está previsto un servizo de socorrismo que realizará a Cruz Vermella no mesmo período e en iguais horarios que na praia fluvial do Lérez, pero só nas fins de semana e nos días festivos, tal e como se realizou o pasado verán.