Pontevedra terá desde este venres unha nova forma de ver e coñecer o seu centro histórico. A empresa Turiña en colaboración coa Concellaría de Promoción da Cidade, puxo en marcha o proxecto piloto “Cunca e nécora” de visitas guiadas polo centro combinando cultura e gastronomía, con productos típicos da época.
A ruta comeza na Praza de España e continúa por Curros Enríquez, Peregrina, Ferraría, Praza da Leña, Verdura, Méndez Núñez, Mercado de Abastos, Cinco rúas para rematar no Teucro.
Nesta ruta, aos asistentes que poderán ser tanto residentes da cidade como turistas, explicaráselles historias da cidade e dos seus persoeiros, ademais de degustar produtos da terra nos locais: La Cata, La Navarra, Loaira e Los Olmos.
Neste proxecto piloto os prezos serán de 5 euros, e xa están completos os venres, 16 e 30 de xullo, e 6 de agosto. Cada roteiro terá un máximo de 15 participantes.
Todas as persoas interesadas poderán inscribirse no correo turinapontevedra@gmail.com