Sétima Feira é un escaparate para novxs creadorxs, pero tamén para o comercio local, está de volta este sábado, 10 de steembro, no primeiro andar da Praza de Abastos con proxectos interesantes como a libraría infantil Patakafrita. Tamén haberá un oco para as creacións de A Tenda, espazo efémero situado na Rúa Alhóndiga, onde 10 deseñadorxs galegxs expoñen e venden as súas propostas.
Na Sétima Feira Infantil a cativada poderá achegarse de novo ao mundo do grafitti co grafitero O ́RAS. Esta actividade tivo tanto éxito no mes de xuño que a organización decidiu repetila, e de non chover farase no exterior do mercado.
A actividade desenvolverase en 4 quendas dende as 11 ata as 15 h e é de balde previa inscrición en setimafeira@pontevedra.gal
O espazo gastro estará ocupado pola polbería O Ruzo e da música ocuparase a cantante pontevedresa Palito
Sétima Feira é unha iniciativa impulsada pola Área de Promoción Económica do Concello de Pontevedra que ten como finalidade dinamizar a escea creativa da vila, favorecendo un espazo para o emprendemento creativo, e apostando pola colaboración entre os/as novxs creadorxs e o comercio local.
Listado de Postos SF10S
- ELEFANTAS DE CACHARRERÍA, organización de evento
- CRAZY ZEBRA, complementos infantís
- DEGERONIMO, mochilas e complementos en tea.
- HEY JUDDY, cerámica
- ESTILO PURATITI, turbantes e accesorios para o cabelo
- NENÉ SON JOYAS, xoieiría STUMPISTER, textil
- QUEEN LUPA, souvenirs
- LE CHANELAS, téxtil
- COLLE MELLON, ilustración
- ABELÁ, ilustración
- LIBRARÍA PATAKA FRITA
- HOJADELIMÓN, cosmética natural
- A TENDA, espazo efémero de deseñadorxs galegxs