- Tamén se traballa na beirarrúa do Paseo de Cervantes, que está levantada nalgúns tramos polas raíces das árbores.
- Reconstruiránse só as que están en mal estado eliminando algunha praza de estacionamento.
Esta semana comezan os traballos de recuperación do estanque dos parrulos na Alameda e tamén da beirarrúa do Paseo de Cervantes, que está levantada polas raíces da arboredo das Palmeiras. Todo o espazo permanecerá valado até que rematen as obras.
No estanque dos parrulos está previsto impermeabilizar o vaso que na actualidade ten fugas de auga; limpar, restaurar e arranxar o sistema de chorros así como os elementos dos chorros que son ras; recuperarase a ponte da construción; pintarase con tons acordes co espazo que agora ocupa o estanque dentro das Palmeiras, e finalmente incorporaranse patos con colorido atractivo.
Na beirarrúa é imprescindible actuar porque nalgúns tramos se atopan en moi mal estado debido á que as raíces das árbores invadiron o espazo, levantando as lousas e fai imposible a súa reconstrución. Por este motivo, acordouse suprimir varias prazas de estacionamento para crear a beirarrúa nesas prazas fóra dos alcorques das árbores. Nos espazos que se gañarán para o parque farase unha entrada accesible a base de xabre o que permitirá ennobrecer a entrada á Alameda por esa zona, e tamén plantar planta tapizante de sombra ao igual que se fixo en zonas similares do parque das Palmeiras.
Picudo vermello
A pasada semana o departamento de Parques e Xardíns aplicou o cuarto tratamento contra o Picudo vermello á alienación de Palmeiras do parque das Palmeiras da cidade. Este tratamento foi necesario a estas alturas do ano debido ao tempo caloroso, que fai que o picudo continúe moi activo.
De cara ao vindeiro ano, o departamento estuda varias posibilidades para aplicar o insecticida co que se loita contra o picudo, entre eles está a opción de instalar un microaspersor nas copas das Palmeiras que non se vería dende o chan e que permitiría poder aplicar o tratamento cada semana ou cada dúas semanas. O obxectivo sería ampliar a frecuencia das aplicacións.