- Participaron os escolares de Primaria e Secundaria que participaron neste programa da Concellaría de Igualdade que busca reflexionar sobre o amor, os prexuizos e os estereotipos.
O CEIP Vidal Portela acolleu hoxe a quedada entre o alumnado que participou no programa nAmorAndo, deseñado pola Concellaría de Igualdade para os colexios de Primaria e Secundaria da cidade, para elaborar o mural creado por eles mesmos e que quedará exposto no valado do CEIP Vidal Portela.
En nAmorAndo reflexiónase sobre o amor, os estereotipos, os prexuizos e as relacións en pé de igualdade. O programa consta de varios obradoiros nos centros educativos nos que se aproveita para recoller datos sobre a visión dos adolescentes e preadolescentes das relacións amorosas.
O próximo día 22 de novembro celebrarase un encontro co profesorado, alumnado, pais e nais para facer públicos os datos deste ano e poder ver o vídeo que recolle os mellores momentos do transcurso do programa deste ano.