Chegan Cantos de Taberna. Xa estamos na sexta edición da consolidada cita cos cantos tradicionais de taberna que nesta ocasión están con nós máis cedo que nunca. Que mellor que o inverno para xuntarse nos bares e cantar? Mañá venres, 27 de febreiro, será a primeira cita. A derradeira, o 26 de maio
“O obxectivo é que prenda o hábito de cantar” subliñou a concelleira de Festas, Carme da Silva quen anima a todos a participar xa que “non hai que cantar ben senón querer cantar”. É un afán compartido por Manuel Espiño, do grupo Maravallada, impulsor dunha actividade que ten como fin “recuperar o canto tradicional”.
O grupo Maravallada e o Concello promoven os Cantos de Taberna, que serán en horario de 21.00 a 24.00 horas.
Prrograma, grupos e locais:
- 27 de xaneiro. Os Firrás actuarán en Milano e Maristas
- 24 de febreiro. Maravallada, en Brasilia e Machuco
- 31 de marzo. Os Perucos, en Novo Viñedo e Trasno
- 28 de abril. Os Salghariteiros, en Saudade e Timón
- 26 de maio. Os do Clarete, en Reixas e A Navarra.